Seisean-fiosrachaidh mu FtMG

Picture: Two girls in a primary school classroom. One is doing their school work and the other is looking at the camera with her chin resting on her hands. Text reads 'GME information session'.

Tha Bòrd na Gàidhlig agus Comann nam Pàrant air seisean fiosrachaidh air-loidhne a chuir air dòigh far an ionnsaich thu mu Fhoghlam tro Mheadhan na Gàidhlig (FtMG) bho luchd-cleachdaidh a tha a’ lìbhrigeadh a’ churraicealaim gach latha.

Tha an seisean seo ag amas air teaghlaichean a tha a’ beachdachadh air FtMG airson an cuid chloinne agus a tha airson barrachd ionnsachadh mu na roghainnean a tha rim faotainn dhaibh. A dh’aindeoin sin, bidh an seisean fosgailte do neach sam bith aig a bheil ùidh ann a bhith ag ionnsachadh mu FtMG.

Bidh fiosrachadh ri fhaighinn mu FtMG aig gach ìre agus ’s e deagh chothrom a bhios ann cluinntinn bho dhaoine a tha ag obair ann an diofar dhreuchdan thar diofar Ùghdarrasan Ionadail agus ceistean a chur orra.

Thèid a’ choinneamh a lìbhrigeadh air Microsoft Teams, ach chan fheum cunntas a bhith agaibh airson a thighinn ann.

Lorgar barrachd fiosrachaidh agus faodar clàradh air Eventbrite an seo.