Buidhnean Com-pàirteach Lìbhrigidh
Tha Bòrd na Gàidhlig a’ cur taic luach mu £2.4M gach bliadhna ri buidhnean a bhios a’ cur an gnìomh pròiseactan gus cleachdadh, ionnsachadh is inbhe na Gàidhlig a bhrosnachadh is cuideachadh le bhith lìbhrigeadh Plana Chorporra BnG.
Gheibhear iomradh gu h-ìosal air na buidhnean le aonta taic-airgid airson na bhliadhna-ionmhais seo. Tha fiosrachadh air suimeanann air a thabhann do Bhuidhnean Com-pàirteach Lìbhrigidh o 2018 ri fhaighinn tro GrantNav an seo.
Far a bheil na Buidhnean Com-pàirteach Lìbhrigidh againn stèidhichte.
Acair
![](https://www.gaidhlig.scot/wp-content/uploads/2021/03/Acair-scaled.jpg)
A’ foillseachadh litreachais sa Ghàidhlig, a’ cumail taic leasachaidh ri ùghdaran agus eadar-theangairean agus brosnachadh litreachais na Gàidhlig aig tachartasan air feadh na h-Alba.
Ainmean-Àite na h-Alba
![](https://www.gaidhlig.scot/wp-content/uploads/2021/03/Ainmean-Aite-na-h-Alba.jpg)
A’ dealbhachadh agus ùrachadh stòr-dàta air-loidhne de dh’ ainmean-àite Gàidhlig agus a cumail taic ri ùghdarrasan ionadail ann a bhith dearbhadh soidhnichean Gàidhlig.
Ceòlas
![](https://www.gaidhlig.scot/wp-content/uploads/2021/03/ceolas.png)
A’ toirt cothroman bogaidh Gàidhlig seachad ann an Uibhist a Deas le prògram de thachartasan ealain agus clasaichean Gàidhlig cunbhalach.
Comhairle nan Leabhraichean
![](https://www.gaidhlig.scot/wp-content/uploads/2021/09/CNL-logo-2048x746-1.png)
A’ toirt comhairle agus taic-foillsichidh do roinn litreachais na Gàidhlig, le tabhartasan agus leasachadh proifeiseanta do dh’ ùghdaran agus taic reic agus margaidheachd do foillsichearan.
An Comunn Gàidhealach
![](https://www.gaidhlig.scot/wp-content/uploads/2021/03/Comann-Gaidhealach.jpg)
A’ ruith am Mòd Nàiseanta Rìoghail gach bliadhna agus a’ cur taic ri 18 diofar Mòdan ionadail air feadh na h-Alba.
Comunn na Gàidhlig
![](https://www.gaidhlig.scot/wp-content/uploads/2021/03/cnag.jpg)
A’ brosnachadh cleachdadh na Gàidhlig am measg òigridh le lìonradh de dh’ oifigearan leasachaidh Iomairtean agus buidhnean òigridh Sradagan air feadh na h-Alba. A’ lìbhrigeadh tachartasan nàiseanta leithid co-fharpais ball-coise Cuach na Cloinne agus campaichean samhraidh bhliadhnail.
Cuideachd a’ cur taic ri oifigearan Comann nam Pàrant ann a bhith lìbhrigeadh am prògram aca a tha cur taic ri pàrantan aig a bheil clann ann am foghlam tro mheadhan na Gàidhlig no a tha a’ sireadh solar FtG ùr.
Faclair na Gàidhlig
![](https://www.gaidhlig.scot/wp-content/uploads/2021/03/Faclair-na-Gaidhlig_logo.png)
A’ dealbhachadh faclair eachdraidheil mion-fiosrachail airson na Gàidhlig agus a’ dealbhachadh goireasan corpais còmhla ri Dachaigh airson Stòras na Gàidhlig (DASG) aig Oilthigh Ghlaschu.
Fèisean nan Gàidheal
![](https://www.gaidhlig.scot/wp-content/uploads/2021/03/Feisean-nan-Gaidheal.jpg)
A’ cur taic ri bhith ruith còrr is 45 diofar Fèisean ionadail air feadh na h-Alba a tha toirt oideachadh ann an ceòl is ealain na Gàidhlig. Cuideachd a’ ruith Fèis Blas gach bliadhna air feadh na Gàidhealtachd ’s na h-eileanan agus a’ leasachadh an goireas air-loidhne FèisTV.
Ionad Chaluim Chille Ìle
![](https://www.gaidhlig.scot/wp-content/uploads/2022/05/icci.png)
A’ toirt ionad Ghàidhlig do dh’ Ìle airson taic a chur ri cleachdadh agus ionnsachadh na Gàidhlig do dhaoine a tha tadhail air an ionad agus cuideachd aig astar.
Stòrlann Nàiseanta na Gàidhlig
![](https://www.gaidhlig.scot/wp-content/uploads/2021/03/Storlann.jpg)
A’ dealbhachadh goireasan airson foghlam Gàidhlig a’ gabhail a-steach leabhraichean agus goireasan air-loidhne. A tabhann cothroman leasachaidh proifeasanta do thidsearan tron cho-labhairt bliadhnail an t-Alltan agus seiseanan air-loidhne. A’ cur taic ri pàrantan aig a bheil clann ann am foghlam Gàidhlig tron làrach-lìn Gaelic4Parents.
Theatre Gu Leòr
![](https://www.gaidhlig.scot/wp-content/uploads/2021/03/Theatre-Gu-Leor.jpg)
A’ toirt taic proifeasanta do roinn dràma na Gàidhlig le cuairtean cunbhalach, cothroman trèanaidh do luchd-ealain agus leasachadh ’s brosnachadh don roinn san fharsaingeachd.
Tobar an Dualchais
![](https://www.gaidhlig.scot/wp-content/uploads/2022/05/tad.jpg)
A’ taisbeanadh clàraidhean fuaim de dh’ òrain, ceòl is beul-aithris na Gàidhlig is Albais is dhan glèidheadh airson ginealachdan ri teachd.